انصار (د تله ۶ مه)، د ملګروملتو د ښځو د چارو اجراییه ريیسه وايي، ملګري ملتونه باید د طالبانو له لوري د ښځو او نجونو خلاف اقدامات د جنسي اپارتاید په توګه په رسمیت وپېژني. سیما باهوس، چې اداره یې د جنسي برابرۍ د پراختیا لپاره کار کوي، د امنیت شورا په غونډه کې وویل، طالبانو تر ۵۰ ډېر داسې فرمانونه صادر کړي چې د ښځو د محدودولو او ځپلو لپاره دي. مېرمن باهوس وویل، دا فرمانونه د روحي ستونزو سبب شوي او په ځانګړي ډول یې د ښځو ځان وژنې ډېرې کړي دي.
دې همداراز وویل چې د ښځو محدودیتونه په کم عمر او حتي د ماشومانو ودونه زیات کړي دي.
د نړیوالو قوانینو پر اساس، د اپارتاید اصطلاح توکمیز توپیر یا تبعیض ته ویل کېږي چې لومړی پلا په جنوبي افریقا کې وکارول شوه.
خو یو شمېر متخصصان او شنونکي وايي چې اپارتاید له ښځو سره توپیروالې (تبعیض) ته هم کارېدای شي په تېره بیا کله چې له ښځو سره د افغانستان په شان چلند کېږي.
د نړۍ په هیڅ هیواد کې ښځې او نجونې له زده کړو او کاره منع نه دي. افغانستان د نړۍ په ټولو هیوادونو کې استثنا دی.
مېرمن باهوس د سې شنبې په ورځ د امنیت شورا غونډې ته وویل:«افغان ښځې موږ ته وايي چې دوی هغه زندانیانې دي چې په تیاره کې اوسي، بې هیلې او بې راتلونکې په خپلو کورونو کې ایسارې دي.»
دې په ټینګار د امنیت شورا له غړیو وغوښتل:«موږ له تاسو غواړو چې په نړیوالو حقوقو کې د جنسیتي اپارتاید د صریح تدوین لپاره د یوې بین الادولتي پروسې لپاره بشپړ ملاتړ وکړي.»
URL تعقيب: https://www.ansarpress.com/pashto/27299
امرالله صالح: د طالب جګړه د دین لپاره نه د قدرت لپاره ده، د نورو د ګټو لپاره خپل خلک وژني